Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги жанындағы Қәўендерлик қайырқомлықларды муўапықластырыў орайында усы жылдың 11-апрель күни әмелге асырылған жумыслар ҳаққында мағлыўмат берилди.
Хабарда жазылыўынша, халықтың мүрәжатлары менен системалы түрде ислесиў ҳәм мәнзилли жәрдем көрсетиў мақсетинде ашылған «Call-centre»диң 1197 қысқа номери саат 09:00 ден 17:00 ге шекем турақлы түрде ислемекте.
Усы күнге шекем орайларға болған мүрәжатларға муўапық, 289 шаңарақ, сондай-ақ, мәкан пуқаралар жыйынларының усынысларына муўапық 1 185 шаңарақтың дизими қәлиплестирилген.
Дизим бойынша жүк тасыў ушын арналған автокөликлер арқалы улыўмалық көлеми 473 миллион сумлық бирлемши азық-аўқатлық өнимлер улыўма 1 474 шаңараққа жеткерип берилди.
Жәрдемге мүтәж жерлеслеримизге өз ўақтында жәрдем бериў мақсетинде Қарақалпақстан Республикасындағы орайға бириктирилген жуўапкер хызметкерлер менен байланысыў мүмкин болған телефон номерлери:
☎️ 91-395-91-91
☎️ 61-222-00-94
☎️ 61-222-02-44
☎️ 61-222-05-24
☎️ 61-222-13-08
Топланған өнимлер есабынан ҳәр бир шаңараққа биринши гезекте зәрүр болған өнимлер – 2 литр өсимлик майы, 2 кг гүриш, 1 кг қумшекер, 2 кг ун, 1 дана таўық гөши, 3 кг картошка, 2 кг пияз, 2 кг макарон, 1 дана қадақланған чай тарқатылмақта (егер қәўендерлерден қосымша қайырқомлық затлары берилсе, себетлер толтырылады).
Ислам Матеков.
Фотолар авторы: Мақсет Ҳабийбуллаев (ӨзА).
Сайтымыздың телеграмдағы каналына ағза болың: https://t.me/karinformuz
