Өзбекстан Орайлық банкиниң баслығы Мамаризо Нурмуратов кредитлерди төлеў мүддетиниң узайтылыўы бойынша адамларды қызықтырып жүрген сораўға әпиўайы ҳәм түсиникли етип жуўап берди. Бул ҳаққында Х.Худайбердиев өз каналында хабар берди.
Орайлық банк баслығының мәлим етиўинше, Өзбекстан бойынша әпиўайы пуқаралардың 76%, исбилерменлик субъектлериниң 55% кредиторларына усы жылдың 1-октябрине шекем 6 айлық кредит тәнеписи бериледи.
Кредитлерге берилген тәнепис нәтийжесинде кредитлердиң ең соңғы төлеў мүддети де узайтылады. Яғный, мәселен, кредиттиң ең соңғы төлеў мүддети 2021-жылдың 1-январь күни болса, тәнепис берилиўи нәтийжесинде ақырғы мүддет 2021-жылдың 1-июль күнине шекем узайтылады.
Исбилерменлер және физикалық тәреплер 1-октябрьден баслап алдын қандай етип төлеген болса, солайынша төлей береди. 6 ай даўамында кредитлер бойынша қарызлар топланып қалмайды.
Ислам Матеков.
Сайтымыздың телеграмдағы каналына ағза болың: https://t.me/karinformuz
