Қарақалпақстан Республикасы жуқпалы кеселликлер емлеўханасында коронавирус инфекциясына шалынған нәўбеттеги 15 наўқас пүткиллей саўалды. Бул ҳаққында ДСМ хабар берди.
Соңғы тексериўлер усы наўқасларда инфекция жоқ екенлигин көрсетти. Олар Денсаўлықты сақлаў министрлиги жуўапкер хызметкерлериниң қатнасында реабилитация орайына шығарып салынды.
Алдын хабар бергенимиздей, республикамызда дәслепки саўалған 4 наўқас пенен улыўма саўалғанлар саны 19 адамды қурамақта.
Саўалғанлардан 2 адам Ташкент қаласынан, 13 адам Қарақалпақстаннан, соннан 11 адам Нөкис қаласынан, Қоңырат ҳәм Мойнақ районларынан 1 адамнан толық емленди.
Олардың барлығы коронавирусқа шалынған наўқаслар менен байланыс ақыбетинде кеселликти жуқтырып алған.
Саўалғанлардан алтаўы ер адам, тоғызы ҳаял-қызлардан ибарат. Олардың арасында жасы үлкени 63 жаста болса, ең кишиси 2019-жылы туўылған.
Ислам Матеков.
Сайтымыздың телеграмдағы каналына ағза болың: https://t.me/karinformuz
