Адамның иммунитет жетиспеўшилиги вирусын (АИВ) анықлағаны ушын 2008-жылы Нобель сыйлығын алған француз вирусологы Люк Монтанье жақында коронавирустың жаңа түри («COVID-19») «басқарылғанлығы», яғный тәбийғый емес, лабораториялық шараятта ислеп шығылғанын айтқан еди. Бирақ, Россия Эпидемиологиялық ҳәм микробиологиялық институты директорының орынбасары Александр Семёнов франциялы кәсиплесиниң пикирлерин бийкарламақта. Бул ҳаққында «Ҳудуд24» басылымы хабар берди.
Россиялы илимпаздың айтыўынша, «SARS-CoV-2»де гомологиялық структуралар, яғный АИВ структурасына уқсаған структуралар бар. АИВ геномы бөлимлериниң коронавирусқа киргизилиўи надурыс. Вирусты өз ишине алған ҳәр қандай рибонуклеин кислотада болса гомологиялық структуралар болады.
Сондай-ақ, Семёнов коронавирус пенен зыянланғанлар арасында сигарета шегиўшилердиң аз екенлиги ҳаққындағы баянатқа да түсиник берип, бул тастыйықланбаған мағлыўмат екенлигин атап өткен.
Ислам Матеков.
Сайтымыздың телеграмдағы каналына ағза болың: https://t.me/karinformuz
