Ҳәзирги саатларда Қарақалпақстан Республикалық жуқпалы кеселликлер емлеўханасынан коронавирус инфекциясына шалынған 21 наўқас толық саўалды. Олар реабилитациялық орайға жиберилди, деп хабар бермекте ӨзР ДСМ.
Хабарда жазылыўынша, саўалғанлардың барлығы Қарақалпақстан Республикасынан – 15 адам Нөкис қаласынан, 4 адам Мойнақ районынан ҳәм 2 адам Қоңырат районынан болып, олардың барлығы кеселликти коронавирусқа шалынғанлар менен байланыс ақыбетинде жуқтырып алған.
Саўалғанлардан 9 адам еркек, 12 адам ҳаял-қызлар болып, олардың арасында ең жасы үлкени 64 жас, ең жасы кишиси 5 жаста.
Қарақалпақстанда коронавирустан толық саўалғанлар 50 адамды қурамақта.
Ислам Матеков.
Сайтымыздың телеграмдағы каналына ағза болың: https://t.me/karinformuz
