4-май күни Қарақалпақстан Республикасы жуқпалы кеселликлер емлеўханасында коронавирус инфекциясынан емленип атырған 39 наўқастан 17 адам коронавирус кеселлигинен толық саўалды. Бул ҳаққында ҚР ДСМ хабар берди.
Нәтийжели емлеў усылларынан кейин, соңғы тексериўлер оларда коронавирус инфекциясы жоқ екенлигин көрсеткен. Олар Қарақалпақстан Республикасы Жоқарғы Кеңеси ҳәм Денсаўлықты сақлаў министрлиги жуўапкер хызметкерлери қатнасында реабилитацияға шығарып салынды.
2020-жыл 4-май саат 20:30 ҳалаты бойынша Қарақалпақстан Республикасында коронавирусқа шалынған наўқаслардың улыўма саны 109 адамды қурады. Соннан улыўма емленип шыққанлар 87 адам, ҳәзир емленип атырғанлар 22 адамды қурамақта.
Сайтымыздың телеграмдағы каналына ағза болың: https://t.me/karinformuz
