Президенттиң «Математика тараўындағы билимлендириў сапасын арттырыў ҳәм илимий-изертлеўлерди раўажландырыў илажлары ҳаққында»ғы қарарына муўапық, 2021-жылдың 1-январына шекем математика пәнин билиў дәрежесин баҳалаў бойынша миллий сертификатлаў системасы енгизиледи.
Миллий сертификатлаў системасы шеңберинде:
- математиканы билиў дәрежесин баҳалаў ҳәм бул ҳаққындағы миллий көнликпе сертификатын бериў орнатылған тәртипте Мәмлекетлик тест орайы тәрепинен әмелге асырылады;
- математиканы билиў дәрежесин баҳалаў дифферециалластырылған ҳалда әмелге асырылады;
- жеңиллик берилетуғын дәрежедеги миллий сертификатқа ийе абитуриент мәмлекетлик жоқары оқыў орынларына оқыўға кириўде математика пәнинен тест сынақларын тапсырыўдан азат етиледи ҳәм оған математика пәни ушын берилетуғын максимал балл бериледи;
- 2021-жылдың 1-сентябринен баслап Қәнигелестирилген мектеплердиң математика пәни бойынша муғаллимлери тийисли дәрежедеги миллий сертификатқа ийе болыўы мәжбүрий болып есапланады;
- миллий сертификаттың тийисли дәрежесине ийе болған математика пәни муғаллимлерине (Қәнигелестирилген мектеплердиң математика пәни муғаллимлеринен басқа) олар жумыс алып барып атырған мәмлекетлик билимлендириў мәкемесиниң орналасыўына қарап базалық тариф ставкасына 25 проценттен 50 процентке шекем айлық үстеме ҳақы төленеди.
Ислам Матеков.
Сайтымыздың телеграмдағы каналына ағза болың: https://t.me/karinformuz
