Бүгин, 18-май күнинен баслап «Uzbekistan Airways» авиакомпаниясы Нөкис қаласына авиарейслерди жолға қойды.
Ташкент–Нөкис–Ташкент жөнелиси бойынша самолётлар ҳәр ҳәптениң сийшемби ҳәм жума күнлери төмендеги ўақытларда ушыўы белгиленген:
Ташкенттен ушыў ўақты – саат 09:00;
Нөкиске қоныў ўақты – саат 10:40;
Нөкистен ушыў ўақты – саат 13:20;
Ташкентке қоныў ўақты – саат 14:30.
Бул авиарейслерге миниў ушын Санитариялық-эпидемиологиялық тынышлық агентлиги тәрепинен «COVID-19» инфекциясына тест анализлери алынғанына 120 сааттан көп болмаған ҳәм анализ нәтийжеси онда коронавирус инфекциясы жоқ екенлигин тастыйықлайтуғын мағлыўматнамаға ийе жолаўшыларға рухсат бериледи.
Бунда дизимнен өтиўде ҳәм самолёт бортында карантин илажларына әмел етиў, 2 метрлик социаллық аралықты сақлаў, қорғаныў нықапларын тағыў ҳәм қолқап кийиў шәрт болып есапланады.
Ислам Матеков.
Сайтымыздың телеграмдағы каналына ағза болың: https://t.me/karinformuz
