Сардоба суў сақлағышынан суў жыққан ўақытта Қазақстанға суў жетип бармаўы ҳаққында хабарланғаны тастыйықланды.
ӨзР Суў хожалығы министриниң орынбасары Воҳиджон Аҳмаджонов бул ҳаққында төмендегилерди мәлим етти:
«Бул дәслепки мағлыўмат болған, әлбетте. Ҳәр қандай апатшылық басланғанда оның көлемин анықлаў оғада қыйын. Бириншиден, суў басқаннан соң сол жерге барыўдың өзине имканиятыңыз болмайды ямаса толық үйрениў, яки болмаса сол шараятта толық баҳалаў имканияты болмайды.
Дәслепки баҳалаўларда ҳеш ким суў сақлағыштан көп муғдарда суў жығып кетиўин күтпеген еди. Соған тийкарланып Қазақстанға ҳақыйқатында да бул суў сақлағыштан суўдың жығыўы тезирек тоқтатылады ҳәм қәўипсиз тәрепке бағдарландырылады, деп айтылған.
Тилекке қарсы, ҳәр қандай техноген аварияны алдын ала болжаў қыйын. Буның зыян келтириўин, көлемин тезлик пенен айта алыў қыйын. Дәслепки минутларда Қазақстан тәрептен сораў болғанда, шыны менен де, усындай жуўап қайтарылған. Сизлерге суў жетип бармаўы ямаса зыян жетпеўи ушын барлық илажлар көрилмекте, деген хабарлар болған».
Ислам Матеков.
Сайтымыздың телеграмдағы каналына ағза болың: https://t.me/karinformuz
