2019-2020-оқыў жылындағы мектеп имтиханлары карантин себепли бийкар етилди. Бул ҳаққында халық билимлендириў министри Шерзод Шерматов хабар берди, деп жазбақта Қарақалпақстан хабар агентлиги.
Бул илаж карантин ҳәм көпшилик ата-аналардың өтинишлерин инабатқа алып қолланған. Мектеплерге оқыўшылардың жыллық баҳаларын оқыў жылының III шерек баҳалары тийкарында шығарыў усыныс етилген.
Сондай-ақ, kundalik.com системасы арқалы терең инта менен оқыған оқыўшыларды хошаметлеў мақсетинде IV шеректеги тек ғана унамлы баҳаларын да есаплаўда инабатқа алыў усыныс етилген.
Өз гезегинде, министр карантин ўақтында Online-мектеп арқалы перзентлери менен сабақ таярлап атырған ата-аналарға миннетдаршылық билдирип өткен.
Сайтымыздың телеграмдағы каналына ағза болың: https://t.me/karinformuz
