Быйылғы жылы жоқары оқыў орынларына кириў тест сынақлары карантин шеклеўлери жуўмақланғаннан соң июль-август айларында өткерилиўи жобаластырылған болып, 27-июльдан 15-августқа шекем өткериў бойынша усыныслар ислеп шығылған. Карантин шеклеўлери даўам ететуғын жағдайда тест сынақларын өткериў мүддетлерине өзгерислер киргизилиўи мүмкин.
Соның менен бирге, 2020-2021-оқыў жылында абитуриентлер ушын тест блогындағы пәнлердиң қурамы ҳәм избе-излиги бирдей болған 3 билимлендириў бағдарын сайлаў имканияты сақланып қалады.
Айрықша қәбилет талап етилетуғын және кириў имтиханлары қурамында кәсиплик (дөретиўшилик) имтихан болған билимлендириў бағдарларына кириўде абитуриентлер тек ғана бир билимлендириў бағдары бойынша таңлаўда қатнасыўы мүмкин болады.
Ислам Матеков.
Сайтымыздың телеграмдағы каналына ағза болың: https://t.me/karinformuz
