«Norma.uz» экспертлери жеңил автомобильлер мысалында импорт етилетуғын транспорт қуралларының баҳасы 1-августтан кейин қаншаға өзгеретуғынлығын есаплап шықты.
Мәселен, көлеми 1000 куб см.дан артық болмаған двигательге ийе автомобильдиң баҳасы – 6000 доллар.
2020-жыл 1-августқа шекем:
Бажыхана төлеми – 3240 $ (автомобиль орташа баҳасының 54%и);
Акциз салығы – 1920 $ (автомобиль орташа баҳасының 32%и);
ҚҚС – 1674 $ (автомобиль орташа баҳасының, бажыхана төлеми ҳәм акциздиң 15%и);
Бажыхана жыйымы – 25 $;
Утилизациялық жыйым – 0.
Сонда улыўма «растаможка» төлеми 6859 $ болып, автомобильдиң соңғы баҳасы 12 859 долларды қурайды.
2020-жыл 1-августтан кейин:
Бажыхана төлеми – 3240 $ (автомобиль орташа баҳасының 54%и);
Акциз салығы – 0;
ҚҚС – 1386 $ (автомобиль орташа баҳасының, бажыхана төлеми ҳәм акциздиң 15%и);
Бажыхана жыйымы – 25 $;
Утилизациялық жыйым – 659 $ (Базалық есаплаў муғдарының 30 есеси долларда).
Сонда улыўма «растаможка» төлеми 5310 $ болып, автомобильдиң соңғы баҳасы 11130 долларды қурайды. Парқы – 1549 $.
Соның менен бирге, көлеми 3000 куб см.дан артық болған ҳәм 3500 куб см.дан жоқары болмаған двигательге ийе автомобильдиң баҳасы 30000 доллар болса, 1-августтан оның баҳасы 6740 долларға арзанлайды.
Солай етип, 1000 куб см.ге шекемги болған көлемдеги двигательге ийе автомобильлердиң баҳасы 12%ке, 3000 куб см.дан артық болған ҳәм 3500 куб см.дан жоқары болмаған көлемдеги двигательге ийе автомобильдиң баҳасы болса 10%ке арзанлайды, деп жазбақта «Norma.uz» экспертлери.
Ислам Матеков.
Сайтымыздың телеграмдағы каналына ағза болың: https://t.me/karinformuz
