Төмендеги карантин шеклеўлери 2020-жыл 15-августтан кейин де сақланып қалады:
- Пуқаралардың жәмийетлик орынларда социаллық аралықты (2 метр) сақлаўы, медициналық нықапта болыўы, бунда олар тәрепинен санитариялық талаплар бузылған жағдайда қатаң шаралар (жәриймаға тартыў) көриў;
- Дене температурасы 37°С ҳәм оннан жоқары болған ямаса инфекциялық белгилери болған пуқаралардың жәмийетлик орынларға бармаўы;
- Мәмлекетлик уйымлар, шөлкемлерде жыйналыслар өткериўди қадаған етиў, зәрүр жағдайларда жыйналысларды видеоконференцбайланыс режиминде өткериў;
- Тамаша, мәдений-кеўил ашар (театр, кинотеатр, концерт заллары, тойханалардың жумыслары) ҳәм ғалабалық илажларды өткериў;
- Улыўмалық аўқатланыў объектлериниң (ресторан, кафе, асхана, чайхана) жумыслары (ашық ҳаўада хызмет көрсетиўши улыўмалық аўқатланыў объектлери буған кирмейди);
- Түнги клублар, дискотека, спа ҳәм массаж салонлары, караоке, бильярд заллары, шылым (кальян) ҳәм компьютер ойынлары орайларының жумысларына жол қоймаў;
- 65 жастан өткен адамлардың «өзин-өзи жекелеў» жасаў тәризинде өмир сүриўин усыныс етиў ҳәм ескертиўши үгит-нәсият жумысларын әмелге асырыў;
- жөнелиссиз таксилерде жолаўшы тасыў ушын автотранспорт қуралының салонында басқарыўшының орны жолаўшылардың орнынан реңсиз пластик ямаса арнаўлы плёнка менен тосылған болыўы, басқарыўшы ҳәм жолаўшы медициналық нықапта болыўы (медициналық нықапсыз жолаўшыны тасыў қадаған етиледи), жолаўшыларды автотранспорт қуралы салонының артқы орнына отырғызыў және тек ғана өз (автотранспорт қуралы мәмлекетлик дизимге алынған) аймағында ҳәрекетлениўи.
Мәмлекетлик уйымлар ҳәм мәкемелердиң имаратлары, соның ишинде, хызмет бөлмелери әмелдеги шараятлардан келип шығып, ҳаўаны зыянсызландырыў системасы менен басқышпа-басқыш үскенеленеди.
Дүнья жүзилик денсаўлықты сақлаў шөлкеминиң усынысларын есапқа алып, сондай-ақ, мәмлекеттеги эпидемиологиялық жағдайдан келип шыға отырып, Өзбекстанға сырт еллерден кирип келетуғын адамларды карантинге алыўдың төмендегилерди нәзерде тутатуғын тәртиби енгизилди:
- Сырт еллерден кирип келетуғын адамларды карантинде сақлаў мүддети 14 күн етип белгиленеди;
- Карантин мүддетин пуқараның қәлеўине қарай карантин орайларында ямаса мийманханаларда өткериў тәртиби сақланып қалынады;
- Карантин мүддети пуқараның емлеў-профилактикалық илажларын әмелге асырыўға разылығына қарай, карантинде сақлаў мүддети врачлар бақлаўы астында емлеў-профилактикалық илажларды әмелге асырған (Денсаўлықты сақлаў министрлиги тәрепинен усыныс етилген дәри-дәрмақларды қабыл еткен) ҳалда 7 күн етип белгиленеди (бунда 7 күнлик карантиннен соң тест нәтийжеси терис болғанда пуқара карантин орайынан шығарылады).
Ислам Матеков.
Сайтымыздың телеграмдағы каналына ағза болың: https://t.me/karinformuz
