2020-жыл 1-октябрьден баслап әмелдеги карантин ҳәм санитариялық-гигиеналық талапларға қатаң әмел еткен ҳалда Өзбекстан Республикасына авиация, темир жол ҳәм автожол өткериў пунктлери арқалы кирип-шығыўға рухсат бериледи. Бул ҳаққында Республикалық арнаўлы комиссияның қарарында атап өтилген.
Алдынғы енгизилген шеклеўлер бийкар етиледи.
Жуўапкер мәкемелерге сырт еллердиң жуўапкер мәкемелери менен сөйлесиўлер өткерип, барлық түрдеги халықаралық қатнаўлар (авиа, темир жол, автобус қатнаўлары) санын көбейтиў бойынша тапсырма берилди.
1-октябрьден баслап Қазақстан, Түркменстан, Тәжикстан ҳәм Аўғанстан менен шегарада жайласқан автожол өткериў пунктлери арқалы Өзбекстанға кирип келетуғын адамлар коронавирусқа ПЗР ямаса экспресс-тест яки болмаса антиген тексериўинен өткен ҳалда 14 күнге мийманхана ямаса үй карантинине жибериледи.
Ислам Матеков.
Сайтымыздың телеграмдағы каналына ағза болың: https://t.me/karinformuz
