Бүгин республикамыз бойлап ҳаўа ашық ҳәм жыллы, температура усы күнлердиң климатлық нормаларына жақын болып, 25-30 градусты қурамақта. Күнниң екинши ярымында бултлар көбейе баслайды.
«Өзгидромет»тиң мәлим етиўинше, ертеңнен баслап елимиз аймағына салқын ҳәм қурғақ ҳаўа ағымының кирип келиўи күтилмекте. Бул ағым жумыс ҳәптесиниң ақырына шекем республикадағы ҳаўа райын белгилейди. Температура фоны ҳәмме жерде 2-4 градусқа төменлейди. Бул дәўирде тийкарынан кешки ўақытларда 8-13 градус, күндиз 22-27 градус жыллы болады.
Кейин ала сентябрь айының соңына шекем пүткил республика аймағы бойлап айдың ақырына тән болған ҳаўаның сақланып турыўы күтилмекте. Бул дәўирде жаўын-шашын болыўы күтилмейди. Уралдан салқын ҳаўаның кирип турыўы есабынан температура фоны республика бойлап нормадан 3-4 градусқа төменлейди. Температура түнде 7-12, күндиз 2-25 градусты қурайды.
Ислам Матеков.
Сайтымыздың телеграмдағы каналына ағза болың: https://t.me/karinformuz
