Жоқары оқыў орынларына кириў ушын жеткиликли балл топлай алмаған абитуриентлер ушын супер контракт баҳалары жәрияланды.
Кириў сызығына 4 баллға шекемги жетпегенлер супер контрактти төмендеги муғдарда төлейди:
1 баллға шекем жетпеген абитуриентлер ушын – 1,5 есе;
1,1 баллдан 2 баллға шекем жетпеген абитуриентлер ушын – 2 есе;
2,1 баллдан 3 баллға шекем жетпеген абитуриентлер ушын – 2,5 есе;
3,1 баллдан 4 баллға шекем жетпеген абитуриентлер ушын – 3 есе.
Топлаған балы кириў сызығына 4 баллдан көп жетпеген, бирақ 56,7 баллдан көп балл топлаған абитуриентлер ушын супер контракт муғдарлары төмендегише:
Ең қымбат муғдар юриспруденция бағдарында – 25 есе, яғный 229 млн 184 мың сум.
Кейинги орында медицина бағдары – 20 есе, яғный 170 млн 649 мың сум.
Қалған бағдарлар 10 ҳәм 15 есе муғдарында белгиленген.
Еслетип өтемиз, көрсетилген еселик муғдарлар дегенде билимлендириў бағдарына белгиленген контракт суммасының есеси нәзерде тутылған.
Ислам Матеков.
Сайтымыздың телеграмдағы каналына ағза болың: https://t.me/karinformuz
