Усы жылдың өткен дәўири аралығында Қарақалпақстан Республикасында улыўма 481 өрт жүз берген. Оларда 4 пуқара дене жарақатын алған, 1 пуқара өмирден көз жумған. Бул ҳаққында бизге ҚР Айрықша жағдайлар басқармасы ҒХҚ ҳәм жәмийетлик шөлкемлер менен байланыслар топары баслығы, аға лейтенант Айбек Абдирахманов мәлим етти.
Жүз берген өртлер өткен жылдың усы дәўирине салыстырғанда 10,09 процентке, өртлер нәтийжесинде дене жарақатын алыў жағдайлары 80 процентке, ал пуқаралар қайтыс болыўы менен байланыслы жағдайлар 50 процентке азайған.
Өртлердиң келип шығыў себеплери анализленгенде, 85 процентке шамалас өртлер халықтың турақ жайларында жүз бергенлигин көриў мүмкин. Өртлер тийкарынан насаз жылытыў печьлери ҳәм электр қурылмаларынан пайдаланыў, жас балалардың қараўсыз қалдырылғаны ақыбетинде келип шыққан.
Ислам Матеков.
Сайтымыздың телеграмдағы каналына ағза болың: https://t.me/karinformuz
