14-15-ноябрь күнлери республикамыз аймақларына Урал районларынан суўық ҳаўа кирип келиўи күтилмекте.
«Өзгидромет»тиң мәлим етиўинше, 14-ноябрь күни Қарақалпақстан Республикасында қысқа мүддетли жаўын-шашын (жаўын, қар) болыўы күтиледи. Айрым жерлерге думан түсиўи мүмкин. Самалдың тезлиги секундына 15-20 метрге шекем жетиўи мүмкин.
Шемби ҳәм екшемби күнлери ҳаўаның температурасы түнде 0-5 градус жыллы, айрым жерлерде 4-9 градусқа шекем суўық болады. Күндиз 6-11 градус жыллы болады. Бул орташа нормалардан 5-7 градусқа төмен болып есапланады.
Ислам Матеков.
Сайтымыздың телеграмдағы каналына ағза болың: https://t.me/karinformuz
