Дәслепки баҳалаўларға қарағанда, быйылғы декабрьдиң температуралық көрсеткишлери орташа көп жыллық нормаларға жақын болыўы күтилмекте. Бул ҳаққында «Өзгидромет» хабар берди.
Ай даўамында Өзбекстан көлеминде температураның түнде 0-5 градус суўықтан 2-7 градус жыллыға шекем, күндиз 0-5 градус жыллыдан 10-15 градус жыллыға шекем өзгерип турыўы күтилмекте. Қарақалпақстан аймағында түнде 8-10 градус суўық болыўы мүмкин. Айдың екинши ярымында болса 12-15 градус суўық болыўы күтиледи.
Декабрьде жаўын-шашын жаўын ямаса қар көринисинде болады. Өзбекстан бойынша жаўын-шашынлы күнлер орташа 5 күннен 13 күнге шекем болыўы мүмкин. Бир суткада максимал жаўын-шашын муғдары суткалық нормадан бир қанша көп болыўы мүмкин. Қарақалпақстанда суткалық жаўын-шашын муғдары нормадан бир қанша төмен болыўы күтилмекте. Жаўын-шашын ай даўамында ўақты-ўақты менен бақланады.
Ислам Матеков.
Автордың түсирген фотосы.
Сайтымыздың телеграмдағы каналына ағза болың: https://t.me/karinformuz
