Кегейли районлық Халық билимлендириў бөлимине қараслы 1-санлы улыўма билим бериў мектебиниң директоры Т.М. өз хызмет лаўазымынан пайдаланып, технология пәнинен саат көлемин 3,7 ставкадан 8 ставкаға көбейтип бериў ушын Ж.М.дан дәмегөйлик жолы менен 100 АҚШ долларын талап еткен.
Қарақалпақстан Республикасы Прокуратурасы, департаменттиң ҚР Кегейли районлық бөлими, Мәмлекетлик қәўипсизлик хызмети ҳәм районлық ишки ислер бөлими менен биргеликте өткерилген оператив илаж даўамында мектеп директоры Т.М. өз хызмет бөлмесинде пара сыпатында талап еткен 100 АҚШ долларын алып атырған ўақытта айғақлы дәлиллер менен усланды. Бул ҳаққында бизге департаменттиң ҚР Кегейли районлық бөлими хабар берди.
Ҳәзирги ўақытта тергеў ҳәрекетлери алып барылмақта.
Ислам Матеков.
Сайтымыздың телеграмдағы каналына ағза болың: https://t.me/karinformuz
