Өзбекстан Республикасы Президентиниң 2020-жыл 5-октябрьдеги ПҚ-6079-санлы Пәрманы менен физикалық ҳǝм юридикалық тǝреплерге интерактив мǝмлекетлик хызметлерден пайдаланыўда қолайлықлар жаратыў мǝселеси белгиленген. Усы мүнǝсибет пенен Бозатаў районындағы «ϴзбекстан почтасы» АЖ Қарақалпақстан филиалына қараслы «Қазанкеткен» почта байланыс бөлиминде «Санлы ϴзбекстан-2030» стратегиясы шеңберинде 15 түрдеги мǝмлекетлик электрон хызметлерин көрсетиў жолға қойылыўына байланыслы салтанатлы ашылыў мǝресими болып өтти.
Илажға район ҳǝкими орынбасары, мǝлимлеме технологиялары ҳǝм коммуникацияларын раўажландырыў министрлигиниң Қарақалпақстан Республикасы аймақлық басқармасы ҳǝм «Ўзкомназорат» Қарақалпақстан Республикасы аймақлық инспекциясы, сондай-ақ, райондағы бир қатар мәкеме-шөлкемлер ўǝкиллери қатнасты.
Сайтымыздың телеграмдағы каналына ағза болың: https://t.me/karinformuz
