Усы ҳәптеде республикамыздың барлық аймақлары Сибирь антициклоны перифериясының тәсиринде болады, ол Россияның Уралдан Охота теңизине шекемги болған кең аймағын өз ишине қамтып алады. Усы антициклонның перифериясы Қазақстан арқалы мәмлекетимиз аймағына кирип келеди. Бул ҳаққында «Өзгидромет» хабар бермекте.
Сол себепли, декабрь айының соңғы күнлери ҳәм январь айының дәслепки күнлери республика бойлап суўық ҳәм қурғақ ҳаўа райы болыўы күтилмекте. Әлбетте, елимизде Сибирь ҳәм арқа Қазақстан аймақларындағы сыяқлы суўық күтилмейди, бирақ нормадан 4-7 градус төмен болған температура ҳәпте даўамында сақланып турады.
Республикамыз халқы жаңа жылды қарсыз күтип алады.
Ислам Матеков.
Сайтымыздың телеграмдағы каналына ағза болың: https://t.me/karinformuz
