Соңғы мағлыўматларға қарағанда, жаңа жылдың дәслепки суткасында Өзбекстанда 1644 перзент дүньяға келген. Бул соңғы 4 жылдағы ең кем көрсеткиш болды. Анықлаў етип айтатуғын болсақ, 2018-жылдың усы күни 1961 перзент, 2019-жылы 1708 перзент, 2020-жылы болса 1974 перзент туўылған.
2021-жылдың 1-январь күни туўылған перзентлердиң 810 ы қыз, 834 и болса ул бала болып, ең көп туўылыў көрсеткиши Ферғана ўәлаятында (202 перзент) бақланған.
Усы күни туўылыў көрсеткиши Қарақалпақстан Республикасы (66 перзент), Сырдәрья ҳәм Наўайы (51 перзент) ўәлаятларында ең төмен дәрежеге ийе болған.
Мәлим болыўынша, Өзбекстанда дүньяға келген балалардың 9 ы егизеклер (улыўма 18 нәресте) болып есапланады.
Ислам Матеков.
Сайтымыздың телеграмдағы каналына ағза болың: https://t.me/karinformuz
