Усы жылдың 30-31-январь күнлери 1998-2001-, 2002-2003- ҳәм 2004-2007-жыллары аралығында туўылған жас өспиримлер арасында дуатлон спорт түри бойынша Қарақалпақстан кубогы жарысы болып өтти.
Елимизде жүзиў, велосипед басқарыў ҳәм жуўырыў сыяқлы спорт түрлерин өз ишине бирлестирген триатлон спортын раўажландырыў мақсетинде Қарақалпақстан Республикасы Триатлон федерациясы шөлкемлестирилген еди. Усы федерация басламасы менен өткерилген дуатлон бойынша Қарақалпақстан кубогы жарысы ҳәр тәреплеме күшли болған жас спортшыларды анықлаў, олардың тәжирийбесин арттырып, елимиз байрағын дүнья ареналарында желбирететуғын спортшыларды тәрбиялап шығарыў ҳәм оларды хошаметлеў мақсетинде шөлкемлестирилди.
Жарыс жуўмағында жеңимпазлар ҳәм сыйлы орын ийелери анықланып, оларға ҚР Триатлон федерациясы баслығы А.Камалов ҳәм федерацияның басқа ўәкиллери тәрепинен медаль, диплом ҳәм естелик саўғалары тапсырылды.
Ислам Матеков.
Сайтымыздың телеграмдағы каналына ағза болың: https://t.me/karinformuz
