Өзбекстан Республикасы Президентиниң Пәрманы менен, елимизде әзиз ҳәм қәдирдан ҳаял-қызларға мүнәсип ҳүрмет көрсетиў, апа-сиңлилеримиздиң мәмлекетлик ҳәм жәмийетлик турмыста тутқан орнын ҳәм абырайын арттырыў, өзиниң көп жыллық нәтийжели мийнети, бай әмелий тәжирийбеси менен шаңарақларда руўхый-әдеп-икрамлылық орталықты беккемлеў, перзентлеримизди Ўатанға муҳаббат ҳәм садықлық, миллий ҳәм улыўма инсаныйлық қәдириятларға ҳүрмет руўхында тәрбиялаў жумысларына үлкен үлес қосып киятырған ҳаял-қызларымызды мүнәсип қәдирлеў мақсетинде және елимизде алып барылып атырған түпкиликли реформаларда белсене қатнасып, жаңа Өзбекстанды қурыў, халқымыздың абадан турмысын жетилистириў жолында баслама ҳәм ибрат көрсетип киятырғаны ушын бир топар ҳаял-қызлар ҳүрметли атақ, орден ҳәм медальлар менен сыйлықланды.
«Өзбекстан Республикасында хызмет көрсеткен жаслар устазы» ҳүрметли атағы менен
Атаниязова Орал Аминовна – Қарақалпақстан медицина институты ректоры, Өзбекстан Республикасы Сенатының ағзасы
«Меҳнат шуҳрати» ордени менен
Алламбергенова Гүлнара Юсупбаевна – Өзбекстан мәмлекетлик филармониясы Қарақалпақстан Республикалық бөлими «Мухаллес» дуўтаршылар ансамбли бақсы-сазендеси
«Дўстлик» ордени менен
Досымбетова Тамара Жумабаевна – Қарақалпақстан мусылманлары қазыяты ҳаял-қызлар мәселелери бойынша қазы жәрдемшиси, бас отинойысы
Нурлепесова Гүлнара Жүгинисовна – еркин дөретиўши, шайыр
«Соғлом турмуш» медалы менен
Палванова Нигора Бекбергеновна – Олимпия ҳәм миллий спорт түрлери бойынша Нөкис жоқары спорт шеберлиги мектебиниң көркем гимнастика бойынша тренери
«Келажак бунёдкори» медалы менен
Досанова Гүлмира Сарсенбаевна – Мойнақ мәмлекетлик тоғай хожалығының хожалық ислери бойынша баслығы
«Шуҳрат» медалы менен
Бекмуратова Венера Джолдасбаевна – Нөкис қаласындағы Президент мектебиниң инглис тили пәни муғаллими
Турекеева Арыўхан Аймуратовна – «Қарақалпақстан жаслары» газетасының жуўаплы хаткери
Өзбекстан Республикасы Президенти
Ш.Мирзиёев
Сайтымыздың телеграмдағы каналына ағза болың: https://t.me/karinformuz
