Бүгин республикамыз аймағы антициклон тәсири астында болады. Күн даўамында ҳаўа 3-8 градусқа шекем жылыйды, бул март айының ортасы ушын нормалық өлшемлерден бир қанша төмен болып есапланады.
«Өзгидромет»тиң хабар бериўинше, 16- ҳәм 17-мартта антициклон перифериясы Өзбекстан аймағынан кескин артқа шегинеди, түнги ўақытларда бираз суўық сақланып, күндизги ўақытларда әсте-ақырын жылый баслайды. Сәршемби күни күндизги температура 9-14 градус жыллыға көтериледи.
Көпшилик жерлерде жаўын-шашын болыўы күтилмейди.
Ҳәптениң екинши ярымы басынан Иран аймақларынан қурғақ ҳәм оғада жыллы ҳаўа кирип келиўи басланады. Ҳаўаның температурасы әсиресе күндизги ўақытларда кескин көтериледи. Мийнет ҳәптесиниң ақырында температура күндизги ўақытларда 20-25 градус жыллы болып, нормадан 6-8 градусқа жоқары болады.
Ислам Матеков.
Сайтымыздың телеграмдағы каналына ағза болың: https://t.me/karinformuz
