Өзбекстанға «Спутник V» вакцинасының дәслепки партиясы алып келинди. Вакцинаны елимизге жеткерип бериўде Россия тиккелей инвестициялар фонды әмелий жәрдем берди, деп жазбақта ӨзР Денсаўлықты сақлаў министрлиги.
Өзбекстан февраль айының орталарында Н.Ф.Гамалея атындағы Миллий эпидемиологиялық ҳәм микробиологиялық илимий-изертлеў орайы тәрепинен ислеп шығылған «Спутник V» вакцинасынан елимизде ғалабалық түрде пайдаланыў ушын сертификатлады ҳәм тастыйықлады.
Өзбекстанға халықты шаншыў ушын алып келинетуғын «Спутник V» вакцинасының ярымын өзбекстанлы исбилермен, миллиардер Алишер Усманов қаржыландырды.
Мағлыўмат орнында атап өтиў керек, Өзбекстанда апрель-июнь айларында 4 миллионға шамалас пуқараны «COVID-19»ға қарсы шаншыў жобаластырылған еди. 2021-жыл ақырына келип бул көрсеткиш 7 миллионға ямаса мәмлекет халқының шама менен 20 процентине шекем өсиўи мүмкин.
Ислам Матеков.
Сайтымыздың телеграмдағы каналына ағза болың: https://t.me/karinformuz
