Усы жылдың 18-20-июнь күнлери Қарақалпақстан Республикасы Жоқарғы Кеңеси ҳәм Министрлер Кеңеси, Өзбекстан Республикасы Бас прокуратурасы, Өзбекстан қорғаныўға көмеклесиўши «Ватанпарвар» шөлкеми тәрепинен Мойнақ районында «Ралли Мойнақ-2021» автомобиль спорт жарыслары болып өтеди. Бул ҳаққында «New Muynak City» каналы хабар берди.
Жарыслар төмендеги класслар бойынша өткериледи:
1. Двигатель көлеми 1600 см кубқа шекемги «А-8» автомобиль класы бойынша;
2. Двигатель көлеми 2000 см кубқа шекемги «А-9» автомобиль класы бойынша;
3. Двигатель көлеми 2000 см кубқа шекемги «Багги»;
4. Двигатель көлеми 500 см кубқа шекемги мотоцикллер бойынша.
Мойнақ районы мийманханалары, аўқатланыў орайлары бойынша мағлыўматты +99897 788-96-67 телефон номери арқалы алыўыңыз мүмкин.
Жарысқа қатнасыўды қәлеўши спортшылар 2021-жылдың 6-июнь күнине шекем Ташкент қаласы, Юнусабад районы, 17-квартал, «Промзона» мәнзилинде жайласқан шөлкемлестириўшилерге алдын-ала буйыртпа бериўи керек. барлық спортшыларға ҳәм техникаларға (автомобиль, мотоцикл, багги) арнаўлы талаплар қойылады. Бул бойынша шөлкемлестириўшилердиң 71 223-73-02, 71 223-67-12 телефон номерлери арқалы анықлық киргизиўиңиз мүмкин.
2021-жылдың 6-июнь күнинен баслап Ралли штабы Қоңырат районы, С.Алланиязов көшесинде жайласқан «Ватанпарвар» шөлкеминиң оқыў-спорт техникалық клубында өз жумысын баслайды.
Штабтың телефон номерлери: +99899 950-68-22, 61 316-40-54.
Сайтымыздың телеграмдағы каналына ағза болың: https://t.me/karinformuz
