Telegram karinform

Жәмийет

  • 16.06.2021 12:17
  • 1260

Абитуриентлер ушын әҳмийетли сораў-жуўаплар (2-бөлим)

Абитуриентлер ушын әҳмийетли сораў-жуўаплар (2-бөлим)
Мәмлекетлик тест орайы мәлимлеме хызмети баслығы Орзиқул Бобоев абитуриентлер тәрепинен берилип атырған сораўларға жуўап берди.

Миллий тест системасы толық енгизилди ме? Барлық пәнлерден сертификат бериў басланды ма?

- Ҳәзирги ўақытқа шекем ана тили ҳәм әдебият, математика, химия ҳәм биология пәнлеринен енгизилип болынды. Усы пәнлерден тест сынағы өткерилип, зәрүр нәтийжеге ерискен талабанларға миллий сертификат тапсырылмақта.
Сондай-ақ, физика пәнинен 2022-жылы енгизилиўи белгиленген болса да, быйыл оның тийкарғы пәнлер қатарына киргизилгенлиги себепли, усы пәннен сертификатлаўды усы жылдан баслап жолға қойыў жобаластырылған.

Быйылдан тәлим бағдарлары санын шексиз таңлаў мүмкиншилиги бола ма?

- Мәмлекетлик тест орайы абитуриентлердиң тәлим бағдарларын таңлаўда шеклеўлерди алып таслаўға байланыслы усынысларды ислеп шықты ҳәм тийисли шөлкемлерге жиберди.
Егер бул усыныс қабыл етилип, нормативлик-ҳуқықый ҳүжжет тийкарында тастыйықланса әмелге асыўы мүмкин. Ҳәзирше бул бойынша өзгерис жоқ. Сол себепли, ҳәзирде 5 пәнге шекем таңлаў мүмкиншилиги бар.

Өткен жылларда өткерилген тест сынақларында жазыўсыз карта, кесте, сүўретли көринистеги жаңа тест сораўлары қолланылған еди. Быйыл да қолланыла ма?

- Әлбетте. Абитуриентлердиң тест сораўларын тез түсинип алыўы, пикирлеўи ҳәм ўақтын үнемлеўи ушын быйылғы жылы да тарийх, география, сондай-ақ, инглис, немис, француз тиллери, биология ҳәм химия пәнлеринен жазыўсыз карта, кесте, сүўретли көринистеги тест сораўлары болады.

Быйыл 5 пәннен тест сынағы белгиленди, бирақ не ушын 3 саат 30 минут берилди. Өткен жылы 2 пәнге 3 саат ўақыт берилген еди?

- Бул ўақытша тәртип өткен жылы елимизде пандемия шараятын есапқа алған ҳалда енгизилген еди. Быйыл шараят өткен жылға салыстырғанда бирқанша турақлы, сол себепли, Министрлер Кабинетиниң 2018-жыл 3-апрельдеги 261-санлы қарары тийкарында тастыйықланған уставта белгиленгениндей, ҳәр 30 тест сораўына 1 саат ўақыт ажыратылады.

Онлайн дизимнен өтип атырғанда тәлим бағдарларын ҳәм өзбек, ҳәм рус тиллеринде таңлаўға бола ма?

- Яқ, таңлаўға болмайды. Тәлим бағдарларын таңлаўда билимлендириў формасы ҳәм билимлендириў тили бирдей болыўы талап етиледи.

Таярлаған Саёра Шамуратова,
ҚМУ журналистика тәлим бағдары студенти.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Билл Гейтс жасалма интеллект те жоқ ете алмайтуғын үш кәсипти айтты

Билл Гейтс жасалма интеллект те жоқ ете алмайтуғын үш кәсипти айтты

Уқсас жаңалықлар

Президент пәрманы менен 488 шахс әпиў етилди

Президент пәрманы менен 488 шахс әпиў етилди

        Өзбекстан Республикасы Президенти Шавкат Мирзиёев мүбәрек Рамазан ҳайыты қарсаңында халқымызға тән жақсылық, кеңпейиллик, адамгершилик, мийрим-шәпәәт

Газ ҳәм электр энергиясы тарифлериниң артыўы 1-майға шекем кешиктирилди

Газ ҳәм электр энергиясы тарифлериниң артыўы 1-майға шекем кешиктирилди

    Президент ҳүкиметке газ ҳәм электр энергиясы тарифлерин арттырыўды 1-майға шекем кешиктириўди тапсырды. Алдын 1-апрельге белгиленген

Пүткил Интернеттиң аўырлығы 64 мың дана қулпынайға тең

Пүткил Интернеттиң аўырлығы 64 мың дана қулпынайға тең

    Интернеттиң шамаланған салмағы есаплап шығылды. Итибар бериң, пүткил дүньяны жаўлап алған Интернет тек ғана 5,32