Әжинияз атындағы Нөкис мәмлекетлик педагогикалық институты делегациясының Пакистан Ислам Республикасы Лаҳор қаласындағы Пенжаб университетине болған еки күнлик сапары Пакистанның ең абыройлы «National Herald Tribune», «Islamabad Post», «Centreline», «Roznama Jinah Lahore», «Roznama 92 Lahore», «Daily The News» сыяқлы басылымларда жәрияланды. Бул ҳаққында ӨзР Сыртқы ислер министрлигиниң «Дунё» мәлимлеме агентлиги хабар берди.
Нөкис мәмлекетлик педагогикалық институты делегациясы Пенжаб университетиниң ҳәр қыйлы факультетлеринде, соның ишинде, Билимлендириў бойынша изертлеўлер институты, Ҳәкимшилик илимлер институты, Бизнес басқарыўы институты, Аўыл хожалығы илимлери кафедрасы ҳәм Әмелий молекуляр биология орайының жумыслары менен жақыннан танысты. Ушырасыўлар даўамында өзара пайдалы есапланған ҳәр қыйлы жойбарлар бойынша кең түрде пикир алмасылды.
Сондай-ақ, институт делегациясы ағзалары Пенжаб университетиниң Көркем өнер ҳәм дизайн колледжи жумыслары менен де танысты. Өткерилген сөйлесиўлерде усы колледж ҳәм институттың тийисли факультетлери арасында өзара бирге ислесиўди жолға қойыў бойынша қызығыўшылық билдирилди.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
