Өзбекстан Республикасы Президентиниң «2021-2022-оқыў жылында Өзбекстан Республикасының жоқары билимлендириў мәкемелерине оқыўға қабыллаўдың мәмлекетлик буйыртпасы параметрлери ҳаққында»ғы қарарына муўапық:
2021-2022-оқыў жылы қабыллаўында мәмлекетлик жоқары оқыў орынларының магистратура (клиникалық ординатура) қәнигеликлерине оқыўға қабыллаў еки басқышта әмелге асырылады. Бунда:
- биринши басқышта мәмлекетлик жоқары оқыў орны тәрепинен сайланған қәнигеликке сәйкес пәнлер бойынша кириў имтиханлары;
- екинши басқышта Мәмлекетлик тест орайы тәрепинен шет тили бойынша тест сынақлары өткериледи.
Шет тили бойынша тийисли дәрежедеги миллий ямаса халықаралық сертификатқа ийе болған абитуриентлер екинши басқышта тест сынағын тапсырыўдан азат етиледи ҳәм оларға усы пән бойынша максимал балл бериледи.
Магистратура қәнигелигине сәйкес пәнлер бойынша имтиханлардың нәтийжелери имтихан өткерилгеннен кейин үш күн мүддетте мәмлекетлик жоқары оқыў орны тәрепинен мәкемелер аралық электрон мәлимлеме алмасыў системасы арқалы Мәмлекетлик тест орайына жибериледи және усы оқыў орнының рәсмий веб-сайтында жәрияланады.
Абитуриенттиң шет тили бойынша тест сынағынан топлаған баллары ҳаққындағы мағлыўмат тест сынақлары өткерилген күнниң ертеңине ҳәм магистратураға қабыллаў бойынша таңлаў нәтийжелери тест сынақлары толық жуўмақланғаннан соң бир ҳәпте мүддетте Мәмлекетлик тест орайының рәсмий веб-сайтында жәрияланады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
