Республикалық арнаўлы комиссияның гезектеги жыйналысында халыққа диний ибадатларды әмелге асырыў ушын қолайлы шараятлар жаратыў бойынша Өзбекстан мусылманлары басқармасы және Дин ислери бойынша комитет тәрепинен киргизилген усыныслар ҳәр тәреплеме додаланды.
Додалаўлар нәтийжесине муўапық, Өзбекстан мусылманлары басқармасы ҳәм Дин ислери бойынша комитеттиң 2021-жыл 13-августтан баслап:
- мешитлердиң барлық жумысшы ҳәм хызметкерлери (денсаўлығы бойынша қарсы көрсетпе болған хызметкерлер буған кирмейди) коронавирусқа қарсы вакцинаның (түрине қарамастан) кеминде 2 дозасы менен шаншылғаны ҳаққындағы сертификатқа ийе болған жағдайда усы мешитлерде жума намазын өткериўге рухсат бериў;
- мешитлерге жума намазын оқыў ушын коронавирусқа қарсы вакцина менен шаншылғаны ҳаққындағы QR-коды ямаса сертификаты болған келиўшилерди киргизиў (денсаўлығы бойынша қарсы көрсетпе болғанлар буған кирмейди) ҳаққындағы усыныслары Республикалық арнаўлы комиссия тәрепинен мақулланды.
Республикада жумыс алып барып атырған басқа диний конфессияларға тийисли диний шөлкемлерге де усы тәртипти енгизиў усыныс етилди.
Соның менен бирге, диний ибадатларды атқарыў ўақтында келиўшилердиң медициналық нықапта болыўы және социаллық аралықты сақлаў бойынша карантин шеклеўлерине қатаң әмел етилиўи кереклиги көрсетип өтилди.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
