Усы ҳәптеде Өзбекстан аймағында август айының соңғы он күнлигине тән болған, тийкарынан алағат бултлы ыссы ҳаўа райы, күшсиз, айырым жерлерде бираз есетуғын самаллар үстинлик етеди, деп хабар берди «Өзгидромет».
Таўлы аймақларда, тийкарынан тыныш ҳаўа райы болыўы күтилмекте. Тек ғана Ташкент ўәлаяты ҳәм Ферғана ойпаты ўәлаятларында 23-24-август күнлери таў ҳәм таў алды аймақларында шақмақ шағып, жаўын жаўыўы мүмкин.
Ҳәптениң биринши ярымында республика аймағында нормадан 2-3 градусқа жоқары болған ыссы ҳаўа райы сақланып турады. Ал ҳәптениң екинши ярымында температура фоны әсте-ақырын төменлей баслайды. Ҳәпте даўамында температура түнде 17-22 градус, күндизги ўақытларда 23-26-августта 33-38 градус, 27-28-августта 31-36 градус әтирапында болады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
