Бирден-бир интерактив мәмлекетлик хызметлер порталында (my.gov.uz) «Автотранспорт қураллары айналарының реңин өзгертиўге рухсатнама алыў» хызмети енгизилди.
Буннан былай пуқаралар автотранспорт айналарының реңин өзгертиў ушын рухсатнаманы онлайн алып, 10 процентлик шегирмеге де ийе болады. Бул арқалы «тонировка»ның баҳасы артқы қаптал айналар ушын 135 мың сум (юридикалық тәреплер ушын 270 мың сум), алдынғы ҳәм артқы қаптал айналар ушын болса 1 миллион 300 мың сумға арзанлайды.
Хызметтиң және бир әҳмийетли тәрепи, төлем төлеп болынғаннан соң узағы менен 2 саат ишинде пуқараның Бирден-бир порталдағы жеке кабинетине электрон көринистеги QR-кодлы сертификат, яғный рухсатнама келип түседи. Оны қәлеген ўақытта жүклеп алыў мүмкин.
Транспорт басқарыўшыларға және бир қолайлы тәрепи, енди автотранспорт айнасына СТИКЕР мәжбүрий түрде жабыстырылмайды.
Сондай-ақ, айналардың реңин өзгертиўге берилген рухсатнаманы қайта рәсмийлестириў (автотранспорт қуралының мүлк ийеси, мәмлекетлик номер белгиси өзгерген жағдайда) электрон мәмлекетлик хызмет усы жылдың 1-октябрь күнинен иске түсиўи жобаластырылған.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
