1-Қарақалпақстан округлик сайлаў комиссиясында даўыс бериў жуўмағына байланыслы брифинг өткерилди. Онда округлик сайлаў комиссиясының баслығы У.Жалменов дәслепки мағлыўматларға қарағанда дизимге алынған 1 миллион 45 мың 352 сайлаўшының 80 проценттен асламының сиясий мапазға қатнасқанлығын ҳәм бул процесс халықаралық бақлаўшылар тәрепинен гүзетилип барылғанлығын, сондай-ақ, сайлаў процесинде карантин қағыйдаларына жоқары дәрежеде әмел етилгенлигин атап өтти.
Ҳәзирги ўақытта Қарақалпақстанда сайлаў процесслери болып өткен барлық қала ҳәм районлардағы сайлаў участкаларында тийисли тәртипте сайлаў жуўмақларына байланыслы протоколластырылған ҳүжжетлер 1-Қарақалпақстан округлик сайлаў комиссиясына жеткерилип атырғанлығы мәлим етилди.
Бул жерде округлик сайлаў комиссиясы ағзалары тәрепинен ҳүжжетлер тийисли тәртипте көзден өткерилмекте.
Бул процессти халықаралық бақлаўшылар бақлап бармақта.
Сайлаў жуўмақлары бойынша мағлыўматлар тийисли тәртипте жәрияланады.
1-Қарақалпақстан округлик сайлаў комиссиясының Баспасөз орайы.
Karinform.uz.
Сайтымыздың телеграмдағы каналына ағза болың: https://t.me/karinformuz
