Ташкент ислам институты Таҳфизул Қуран кафедрасы 3-курс талабасы Жиемуратов Сардар қарый 30 пара Қураны кәриймди бир күнде бир отырыўда 10 саат даўамында ядтан оқып берди. Бул ҳаққында «AlBeruniy.uz» каналы хабар берди.
Таҳфизул Қуран кафедрасы баслығы Жаҳонгир қарый Неъматов басшылығындағы устазлар топары таң намазы ўақтында саат 06:00 ден баслап намазлыгер ўақтына шекем Сардар қарыйдың оқыған қирәәтин тексерип барды.
Мағлыўмат орнында атап өтиў керек, Сардар қарый Ташкент ислам институтына кириўден алдын Нөкис қаласында жайласқан Муҳаммад ибн Аҳмад ал-Беруний орта арнаўлы ислам билим журтында 2015-2019-жыллар даўамында тәжирийбели устазлардан тәлим алып, усы жердиң өзинде Қураны кәриймди бир мәрте толық яд алған еди.
Итибарлы тәрепи сонда, Сардар қарый Қарақалпақстаннан барып оқып атырған талабалардың ишинде биринши болып Қураны кәриймди бир мәрте, бир отырыўда, 10 саат даўамында оқып берген талаба есапланады.
Сайтымыздың телеграмдағы каналына ағза болың: https://t.me/karinformuz
