Telegram karinform

Спорт

  • 20.11.2021 13:21
  • 616

Хош хабар! НМПИ қызлар сайланды командасы волейбол бойынша Өзбекстан суперкубогы жеңимпазы болды

Хош хабар! НМПИ қызлар сайланды командасы волейбол бойынша Өзбекстан суперкубогы жеңимпазы болды
Алдын хабар бергенимиздей, усы жылдың 19-20-ноябрь күнлери Ташкент ўәлаятының Алмалық қаласындағы «Металлург» спорт комплексинде волейбол бойынша Өзбекстан суперкубогы жарыслары болып өтти.

Ҳаял-қызлар арасында еки күн даўам еткен жарыста Өзбекстан кубогы жеңимпазы Әжинияз атындағы Нөкис мәмлекетлик педагогикалық институтының «НМПИ» қызлар сайланды командасы Өзбекстан чемпионы, әзелий қарсыласы болған Өзбекстан мәмлекетлик дене тәрбия ҳәм спорт университетиниң «СКУФ» командасына қарсы ойнады.

Жарыстың дәслепки күни Әжинияз атындағы Нөкис мәмлекетлик педагогикалық институтының «НМПИ» қызлар сайланды командасы қарсыласларын 3:1 есабында жеңип шыққан болса, бүгин, 20-ноябрь күни болып өткен жарыстың екинши күнинде де «СКУФ» командасы қызларына ҳеш қандай имканият қалдырмады – есап 3:0.
Хош хабар! НМПИ қызлар сайланды командасы волейбол бойынша Өзбекстан суперкубогы жеңимпазы болды
– Елимизде спортты раўажландырыў, өсип киятырған жас әўлатды кәмил инсан етип тәрбиялаў, жас спортшыларды ҳәр тәреплеме қоллап-қуўатлаўға қаратылып атырған айрықша итибар нәтийжесинде жасларымыз республикалық ҳәм халықаралық спорт жарысларында жеңислерге ериспекте. Усы жылдың март айында Қарақалпақстан Республикасы Жоқарғы Кеңесиниң Баслығы Мурат Камалов ҳәм Министрлер Кеңесиниң Баслығы Қахраман Сариевлер спортшы қызларымыз бенен ушырасып, олардың қолға киргизип атырған табыслары менен қутлықлап, саўғалар тапсырып, алдағы болатуғын жарысларда жоқары нәтийжелерге ерисиўи ушын барлық зәрүр шараятларды жаратып бериўи усындай жеңислерге ерисиўимизде әҳмийетли болмақта, - дейди Қарақалпақстанға мийнети сиңген тренер, «Ўатан пидайысы» көкирек белгисиниң ийеси, спорт ветераны Азат Казаков.

Солай етип, Әжинияз атындағы Нөкис мәмлекетлик педагогикалық институтының «НМПИ» қызлар сайланды командасы волейбол бойынша быйылғы жылғы Өзбекстан суперкубогы жеңимпазы болып, абсолют чемпионлыққа ерискен еди.

Мағлыўмат орнында атап өтиў керек, «НМПИ» қызлар сайланды командасы волейбол бойынша өткен жылғы мәўсимде де Өзбекстан чемпионаты ҳәм суперкубогы жарысларында жеңиске ерисип, абсолют чемпионлықты қолға киргизген еди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Қарақалпақстанлы қылышпазлар Тунисте болып өтетуғын Гран-при турнирине қатнасады

Қарақалпақстанлы қылышпазлар Тунисте болып өтетуғын Гран-при турнирине қатнасады

Уқсас жаңалықлар

Хожелидеги асханада жарылыў жүз берди: Бир адам қайтыс болды, екеўи жарақатланды

Хожелидеги асханада жарылыў жүз берди: Бир адам қайтыс болды, екеўи жарақатланды

    Усы жылдың 25-январь күни Хожели районлық Мәмлекетлик салық инспекциясы қасындағы асханада жарылыў жүз берген. Бир

Қоңыратта 13 бас кийик аўлаған браконьерлер усланды

Қоңыратта 13 бас кийик аўлаған браконьерлер усланды

    Қарақалпақстан Республикасы аймағындағы «Барсакелмес» мәмлекетлик буйыртпа қорықханасы ҳәм «Қубла Үстирт» миллий тәбият бағының хызметкерлери тәрепинен

Қарақалпақстандағы бензин заправкаларындағы нызам бузылыў жағдайлары ҳаққында мағлыўмат берилди

Қарақалпақстандағы бензин заправкаларындағы нызам бузылыў жағдайлары ҳаққында мағлыўмат берилди

    Өзбекстан Республикасы Энергетика министрлиги тәрепинен автомобильлерге жанармай қуйыў шақапшаларында тутыныўшыларға жеткерип берилип атырған автобензинниң сапа