Бүгин ҳәм ертең Өзбекстан аймағы бойынша қуяшлы және ашық ҳаўа райы болыўы күтилмекте, түстен кейин ҳаўа 12-17 градусқа шекем жылытады, түнде ҳаўаның температурасы 3-6 градус жыллы болады.
«Өзгидромет»тиң мәлим етиўинше, қыстың дәслепки күнлери аномал жыллы ҳаўа райы менен басланады. 1-2-декабрьде қубла тәрептеги сырт еллерден жыллы ҳаўа массаларының кирип келиўи күтилмекте. Ҳаўаның температурасы түнде 6-9 градус жыллы, күндиз 17-22 градус жыллы болыўы күтиледи. Бул декабрь айының басы ушын болған нормадан 8-11 градусқа жоқары есапланады.
Тек ғана 2-декабрь күни арқа аймақларға бираз ығал ҳам салқын ҳаўа массалары кирип келиўи күтилмекте. Буның есабынан Қарақалпақстан Республикасы ҳәм Хорезм ўәлаятында айырым жерлерде жаўын жаўыўы мүмкин.
3-декабрьде ҳаўа массаларының кирип келиўи республикамыздың басқа аймақларына тарқалады. Республиканың айырым районларында (арқа аймақлар ҳәм Ферғана ўәлаятынан тысқары) бираз жаўын жаўыўы мүмкин. 3-декабрьде температура фоны салыстырмалы төменлейди, бирақ нормадан жоқары болады. Күндизги ўақытларда ҳаўаның температурасы 13-18 градус жыллы болыўы күтиледи.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
