«UzAuto Motors» компаниясы 2021-жылдың 20-декабринен 2022-жылдың 1-февралына шекем «Nexia», «Spark», «Cobalt» ҳәм «Lacetti» автомобильлерин сатыў бойынша жаңа арзаларды қабыл етиўди тоқтататуғынлығын мәлим етти.
Буған дүнья жүзинде жүз берип атырған ярымөткизгишлердиң жетиспеўшилигин себеп етип көрсеткен.
«Логистикалық машқалалар портлар ҳәм темир жолларда (контейнерлер 6 айға шекем кешигеди), сондай-ақ, дүнья бойлап ярымөткизгишлерди жеткерип бериўдеги үзилислер глобаллық автомобиль санаатында узақ даўам еткен дағдарысқа алып келди. Тилекке қарсы, бизиң компаниямыз да буннан аўлақ емес», - деп жазылған компанияның рәсмий баянатында.
Компания жағдай бойынша қарыйдарлардан кеширим сораған.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
