«Uzbekistan Airways» 2022-жыл 6-февральдан баслап Москваға Ташкент, Нөкис, Үргениш ҳәм Термиз қалаларынан қосымша авиарейслерди жолға қояды. Бул ҳаққында компанияның баспасөз хызмети хабар берди.
Хабарда жазылыўынша, Ташкент-Москва-Ташкент жөнелисиндеги авиарейслер ҳәптесине үш мәрте – екшемби, дүйшемби ҳәм пийшемби күнлери әмелге асырылады.
Нөкис-Москва-Нөкис жөнелисиндеги авиарейслер екшемби, Үргениш-Москва-Үргениш жөнелиси бойынша пийшемби, Термиз-Москва-Термиз жөнелиси бойынша авиарейслер дүйшемби күнлери әмелге асырылады.
Авиабилетлерди авиакомпанияның рәсмий сайтынан, «Uzbekistan Airways Sales» филиалынан ямаса авиакомпанияның агентлеринен сатып алыўға болады.
Сайтымыздың телеграмдағы каналына ағза болың: https://t.me/karinformuz
