Усы жылдың 8-февраль күни саат 03:07 лерде қыстаўлы медициналық жәрдемниң «103» номерине Нөкис қаласы Гөне қала аймағында көшеге таслап кетилген нәрестеге қыстаўлы жәрдем көрсетиў ушын шақырыў келип түскен.
ҚР Денсаўлықты сақлаў министрлигиниң хабар бериўинше, тез жәрдем хызметкерлери 7 минут ишинде ўақыя орнына жетип барып, нәрестеге биринши жәрдем көрсеткен ҳәм ҚР Аймақлық перинатал орайына жеткерген.
Рәсмий мағлыўматта жазылыўынша, нәресте перинатал орайдың реанимация бөлимине қабыл етилип, шыпакерлердиң толық қадағалаўына алынған. Нәрестениң салмағы 3 кг 700 гр болып, ҳәзирги ўақытта жағдайы аўыр, турақлы (тяжёлый, но стабильный).
Сайтымыздың телеграмдағы каналына ағза болың: https://t.me/karinformuz
