Telegram karinform

Экономика

  • 28.02.2022 12:01
  • 432

Қарақалпақстанның 2021-жыл жуўмақлары бойынша тийкарғы макроэкономикалық көрсеткишлери ҳаққында мағлыўмат берилди

Қарақалпақстанның 2021-жыл жуўмақлары бойынша тийкарғы макроэкономикалық көрсеткишлери ҳаққында мағлыўмат берилди
Экономикалық изертлеўлер ҳәм реформалар орайының Қарақалпақстан Республикасы филиалы экспертлери тәрепинен Қарақалпақстан Республикасының 2021-жыл бойынша тийкарғы макроэкономикалық көрсеткишлери динамикасының анализи өткерилди, деп хабар берди «Review.uz» басылымы.

2021-жылда Қарақалпақстан Республикасының улыўма аймақлық өними 2020-жылға салыстырғанда 7,4 процентке өскен ҳәм 26,3 триллион сумды қураған.

Халықтың адам басына улыўма аймақлық өним көлеми болса 13,6 миллион сумды қурап, 2020-жылға салыстырғанда 6,0 процентке өскен.

2021-жыл аймақ эксономикасы ушын оғада табыслы жыл болды. Елимизде әмелге асырылған кең көлемли экономикалық реформалар, соның менен бирге, коронавирус пандемиясы менен байланыслы карантин шеклеўлери жумсартылғаны нәтийжесинде 2021-жылда аймақ экономикасының көплеген тармақларында өсиў динамикасы бақланды.
Қарақалпақстанның 2021-жыл жуўмақлары бойынша тийкарғы макроэкономикалық көрсеткишлери ҳаққында мағлыўмат берилди
Мәселен, 2021-жылда аймақта санаат өнимлери өндирисиниң көлеми 16,6 триллион сумды қурап, өткен жылға салыстырғанда 7,4 процентке өсти.

Сондай-ақ, 2021-жылда аўыл хожалығында 2020-жылға салыстырғанда 3,7 процентке өсиў бақланды ҳәм аўыл хожалығы өнимлерин өндириў көлеми 12,3 триллион сумды қурады.

Соның менен бирге, хызмет көрсетиў тараўында (19,3%), қурылыста (10,5%), көтере саўда айланысында (8,8%) ҳәм тутыныў товарлары өндирисинде (6,1%), жаңадан шөлкемлестирилген киши бизнес субъектлери санында (0,5%) өсиў көрсеткишлери бақланды.

Тийкарғы капиталған бағдарланған инвестициялар 2,1% ке өсти ҳәм олардың көлеми 7,9 триллион сумды қурады.

2021-жылда Қарақалпақстан Республикасының улыўма сыртқы саўда айланысы дерлик 657,2 миллион долларды қурады ҳәм бул 2020-жылға салыстырғанда 21,9 процентке өсти. Аймақтың экспорт көлеми 418,6 миллион доллар ҳәм импорт көлеми 238,6 миллион долларды қураған болып, саўда балансында унамлы сальдо бақланған.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

#KarinformWiki: Луи Жак Манде Дагер

#KarinformWiki: Луи Жак Манде Дагер

Уқсас жаңалықлар

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

    Бас прокуратура жанындағы Экономикалық жынаятларға қарсы гүресиў департаментиниң Қарақалпақстан Республикасы басқармасы тәрепинен өткерилген тергеўге шекемги

ЖЧ-2022: Уэльс сайланды командасы 64 жылдан кейин мундиальда ойнайды

ЖЧ-2022: Уэльс сайланды командасы 64 жылдан кейин мундиальда ойнайды

20-ноябрь күни Қатар пайтахты Доха қаласында футбол бойынша жигирма екинши жәҳән чемпионатына старт берилди. Дәслепки ойында...

Иран аймақларынан қурғақ ҳәм жыллы ҳаўа кирип келиўи күтилмекте – «Өзгидромет» ҳәпте даўамында бақланатуғын ҳаўа райы ҳаққында мағлыўмат берди

Иран аймақларынан қурғақ ҳәм жыллы ҳаўа кирип келиўи күтилмекте – «Өзгидромет» ҳәпте даўамында бақланатуғын ҳаўа райы ҳаққында мағлыўмат берди

    Бүгин, 21-ноябрь күни Өзбекстан бойлап алағат бултлы ҳәм қурғақ ҳаўа райы болыўы күтилмекте. Күндизги ҳаўа