Telegram karinform

Спорт

  • 11.03.2022 11:23
  • 654

Қарақалпақстанлы қызлар волейбол бойынша Өзбекстан чемпионатының екинши тур ойынларында қарсыласларына ҳеш қандай имканият қалдырмады

Қарақалпақстанлы қызлар волейбол бойынша Өзбекстан чемпионатының екинши тур ойынларында қарсыласларына ҳеш қандай имканият қалдырмады
Усы жылдың 28-февраль – 6-март күнлери аралығында Хорезм ўәлаятының Үргениш қаласында волейбол бойынша ҳаял-қызлар арасында XXIX Өзбекстан чемпионатының екинши тур ойынлары болып өтти.

Жарысқа қатнасып атырған 9 команда арасында Қарақалпақстан Республикасы атынан қатнасып атырған Әжинияз атындағы Нөкис мәмлекетлик педагогикалық институтының қызлар сайланды командасы дәслепки ойында Самарқанд ўәлаяты, екинши ойында Жиззақ ўәлаяты командаларын, ал үшинши ойында майдан ийелери болған хорезмли қызларды сәйкес түрде 3:0, 3:2 ҳәм 3:0 есапларында жеңип шығып, Наманганда болып өткен дәслепки турдағы сыяқлы усы екинши турда да толық үстинликке ийе болды.

Солай етип, өткерилген еки турдың нәтийжелерине муўапық, Қарақалпақстан Республикасы атынан қатнасып атырған Әжинияз атындағы Нөкис мәмлекетлик педагогикалық институтының қызлар сайланды командасы улыўма 21 упай менен 1-орынды ийелеп турыпты. Екинши орынды 19 упай топлаған Наманган, ал үшинши орынды 18 упай менен Әндижан ўәлаятларының командалары ийеледи.

Жарысқа спортшыларымызды спорт ветераны Азат Казаков таярлады.

Еслетип өтемиз, чемпионат май айына шекем даўам ететуғын улыўма 5 турдан ибарат болып, келеси тур ойынлары усы жылдың 1-7-апрель күнлери Әндижан ўәлаятында болып өтеди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Президент пәрманы менен 488 шахс әпиў етилди

Президент пәрманы менен 488 шахс әпиў етилди

Уқсас жаңалықлар

Президент пәрманы менен 488 шахс әпиў етилди

Президент пәрманы менен 488 шахс әпиў етилди

        Өзбекстан Республикасы Президенти Шавкат Мирзиёев мүбәрек Рамазан ҳайыты қарсаңында халқымызға тән жақсылық, кеңпейиллик, адамгершилик, мийрим-шәпәәт

Газ ҳәм электр энергиясы тарифлериниң артыўы 1-майға шекем кешиктирилди

Газ ҳәм электр энергиясы тарифлериниң артыўы 1-майға шекем кешиктирилди

    Президент ҳүкиметке газ ҳәм электр энергиясы тарифлерин арттырыўды 1-майға шекем кешиктириўди тапсырды. Алдын 1-апрельге белгиленген

Контракт толық төленбесе, студентти жуўмақлаўшы ямаса аралық имтиханларға киргизбеў мүмкин бе?

Контракт толық төленбесе, студентти жуўмақлаўшы ямаса аралық имтиханларға киргизбеў мүмкин бе?

    Контрактын төлемеген студентти жуўмақлаўшы ямаса аралық имтиханларға киргизбеў нызамлы тийкарға ийе емес. Егер студент улыўма