Telegram karinform

Экономика

  • 04.04.2022 12:34
  • 37621

Қарақалпақстанда атмосфераға шығынды сыпатында шығарылатуғын карбонат ангидрид газынан турмыслық сода өндириў жолға қойылды

Қарақалпақстанда атмосфераға шығынды сыпатында шығарылатуғын карбонат ангидрид газынан турмыслық сода өндириў жолға қойылды
Усы жылы «Өзбекнефтьгаз» АЖ ҳәм «Өзхимиясанаат» АЖ биргеликте карбонат ангидрид (CO2) газының қоршаған орталыққа жеткеретуғын зыянын кемейтиў ҳәм қосылған қунлылықтағы жоқары сапалы өнимлерди өндириўди жолға қойыў мақсетинде «Uz-Kor Gas Chemical» қоспа кәрханасында «Карбонат ангидрид газынан турмыслық сода өндириў» жойбары әмелге асырылды.

«Өзбекнефтьгаз» АЖ баспасөз хызметиниң хабар бериўинше, жойбар тийкарында кәрханадан шығатуғын карбонат ангидрид газының узынлығы 15 километр болған қубыр арқалы «Қоңырат сода заводы» ЖШЖ қоспа кәрханасына жеткерилиўи нәтийжесинде бир жыл даўамында шығатуғын 35 мың тонна карбонат ангидрид газынан азық-аўқат ҳәм аўыл хожалығы ушын оғада зәрүр болған қосымша 20 мың тонна натрийли ҳәм кальцийли турмыслық сода өнимлерин өндириў жолға қойылды.
Қарақалпақстанда атмосфераға шығынды сыпатында шығарылатуғын карбонат ангидрид газынан турмыслық сода өндириў жолға қойылды
Жойбар шеңберинде қәнигелиги бойынша жас кадрлар ушын қосымша 20 дана жоқары мийнет ҳақы төленетуғын жумыс орынлары жаратылып, улыўмалық баҳасы 6 миллион АҚШ доллары болған өним өндирилиўине ерисилди. Өндирилген өнимниң тийкарғы бөлими экспортқа жиберилмекте.

Бул болса, өз гезегинде, «Uz-Kor Gas Chemical» қоспа кәрханасының Арал ҳәм Қарақалпақстан аймағында карбонат ангидрид газларының аймақ экологиясына жеткеретуғын тәсирин минималластырды.

Нәтийжеде заводтың экологиялық қәўипсизликти тәмийинлеў бойынша мәмлекетлик ҳәм халықаралық талаплардың орынланыўын тәмийинлеў менен бир қатарда аймақтың экономикалық көрсеткишлериниң жоқарылаўына унамлы тәсир көрсетеди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

#KarinformWiki: Луи Жак Манде Дагер

#KarinformWiki: Луи Жак Манде Дагер

Уқсас жаңалықлар

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

    Бас прокуратура жанындағы Экономикалық жынаятларға қарсы гүресиў департаментиниң Қарақалпақстан Республикасы басқармасы тәрепинен өткерилген тергеўге шекемги

Қарақалпақстанда жүзим экспортынан қанша дәрамат алыўға болады? Экспорт штабы мағлыўмат берди

Қарақалпақстанда жүзим экспортынан қанша дәрамат алыўға болады? Экспорт штабы мағлыўмат берди

    Усы жылдың январь-ноябрь айларында Қарақалпақстан Республикасы бойынша 1 мың 18 тоннадан аслам жүзим экспорты әмелге

Миллий сувенирлер фестивалы өткерилди

Миллий сувенирлер фестивалы өткерилди

Әсирлер даўамында өзинде миллийлигимизди сәўлелендирип киятырған қарақалпақ халқының үрп-әдетлери, салт-дәстүрлери, миллий буйымлары бүгинги күнде де миллий...