Бүгин, 18-апрель күни пайтахтымыз Нөкис қаласында гемодиализ орайының ашылыў салтанаты болып өтти. Бул ҳаққында Жоқарғы Кеңестиң мәлимлеме хызмети хабар берди.
Илажға Қарақалпақстан Республикасы Жоқарғы Кеңесиниң Баслығы М.Камалов қатнасып, жыйналғанларды орайдың ашылыўы менен қызғын қутлықлады.
Мәлим етилиўинше, пайдаланыўға тапсырылып атырған имаратта 985 мың АҚШ доллары муғдарындағы инвестициялық қаржылар есабынан қурылыс жумыслары алып барылды.
Өзбекстанда бириншилерден болып мәмлекетлик-жеке меншик шериклик тийкарында қурып питкерилген орай 34 койкадан ибарат болып, күнине 96 наўқасты қабыллаў мүмкиншилигине ийе.
Орайда 30 ға шамалас тәжирийбели медицина хызметкерлери жумыс ислемекте.
Сайтымыздың телеграмдағы каналына ағза болың: https://t.me/karinformuz
