Өзбекстан Республикасы Министрлер Кабинетиниң 2020-жыл 23-июньдағы 402-санлы қарарына муўапық, жәрдемге мүтәж шаңарақлардағы ҳаял-қызларға жоқары оқыў орынларына кириўде мәмлекетлик грант тийкарында қабыллаў шеңбериндеги таңлаўда қатнасыў ушын усыныснама бериледи.
Усыныснама төмендеги критериялар тийкарында бериледи:
- кем тәмийинленген шаңарақлардағы ҳаял-қызлар;
- толықсыз шаңарақта тәрбияланып атырған, яғный әкеси ямаса анасы я болмаса олардың екеўи де қайтыс болған социаллық қорғаўға мүтәж қызлар;
- өмирлик жолдасы қайтыс болған, ержетпеген перзентин жалғыз тәрбиялап атырған социаллық қорғаўға мүтәж ҳаяллар;
- майып перзенти бар жәрдемге мүтәж шаңарақлардағы ҳаял-қызлар;
- 2 ҳәм оннан аслам перзентин тәрбиялап атырған, жақын ағайинлеринен бөлек жасап атырған жалғыз ҳаяллардың қыз перзентлери;
- ата-аналарының бири ямаса ҳәр екеўи де I ямаса II топар майыплығы болған жәрдемге мүтәж шаңарақлардағы ҳаял-қызлар.
Усыныснама алыў ушын район (қала)лық мәҳәлле ҳәм шаңарақты қоллап-қуўатлаў бөлимлерине электрон тәризде мүрәжат етиледи.
Хабибулла Ибадуллаев,
ҚМУ мәлимлеме хызмети ҳәм жәмийетшилик пенен байланыслар тәлим бағдарының 2-курс студенти.
Karinform.uz
