Қарақалпақстан Республикасы тарийхы ҳәм мәденияты мәмлекетлик музейинде Өзбекстан Әдебий дөретиўшилер аўқамы ағзасы, жас талантлы художник Тимур Сулайманов дөретиўшилигине арналған «Реңлер драматургиясы» атлы жеке көргизбесиниң ашылыўы болып өтти, деп жазады UzA.
Көргизбеде художниктиң пейзаж, портрет, графика жанрларында исленген 50 ден аслам реңли суўретлери орын алған.
Тимур Сулайманов Өзбекстан Көркем өнер академиясы тәрепинен өткерилетуғын бир қанша көргизбелерде табыслы қатнасып келмекте. Дөретиўши Қарақалпақстан заманагөй көркем өнер тараўындағы талантлы реалист суўретшилерден бири есапланады.
Көргизбеде суўретшиниң «Аўылдағы үйим», «Регистан», «Шахызинда», «Гүздеги көринис», «Бөрши таў» атлы этюдлары, сондай-ақ, шайыр Тилеўберген Жумамуратов, академик Сәрсенбай Байбосынов образларына исленген графика ҳәм портрет жанрларындағы бир қанша дөретиўшилик мийнетлери тамашагөйлер итибарына усынылды.
Сүўретлер автордың Facebook тармағынан алынды
Аўдармалаған: Меҳрийбану Дәўлетмуратова
