Telegram karinform

Жәмийет

  • 14.05.2022 11:00
  • 175

Қазақстанда ЖТҲға ушыраған автобус Нөкистен жолға шықпағаны мәлим етилди. Жәбирленгенлер Өзбекстанға алып келинди

 

Усы жылдың 12-май күни Қазақстан Республикасының Жамбыл ўәлаятында жолаўшы автобусы қатнасыўында жол-транспорт ҳәдийсеси жүз бергенлиги, «Нөкис-Алматы» жөнелиси бойлап ҳәрекетленип баратырған автобуста 53 жолаўшы, соның ишинде, 47 Өзбекстан пуқарасы болғанлығы, ўақыя ақыбетинде 2 Өзбекстан пуқарасы қайтыс болғанлығы ҳаққында хабар берилген еди.

 

Қарақалпақстан Республикасы Транспорт министрлиги мәлимлеме хызмети ўақыя бойынша анықлық киргизип, жол-транспорт ҳәдийсесине ушыраған «Mironshox Grand Trans» ЖШЖға тийисли мәмлекетлик белгиси 01/314VFA болған «YUTONG» маркалы автобустың Қарақалпақстан Республикасы аймағында ҳәрекетленбегенлиги, 11-12-май күнлери «Нөкис-Алматы» жөнелиси бойлап басқа автобуслардың ҳәрекетленгенлигин мәлим етти.

 

Өзбекстан Республикасы Айрықша жағдайлар министрлигиниң хабар бериўинше, ўақыя ақыбетинде жәбирленген Өзбекстан пуқаралары 14-май күни Өзбекстан-Қазақстан шегарасындағы «Ғишткўприк» бажыхана посты арқалы Өзбекстанға алып келинген.

 

 

Қайтыс болған еки пуқараның мейитлери жасаў орынлары – Бухара ҳәм Хорезм ўәлаятларына жиберилген. Соның менен бирге, 14-май күни бахытсыз ҳәдийсе ақыбетинде және бир пуқара қайтыс болған. Ҳәзирги ўақытта қайтыс болған пуқараны алып келиў бойынша зәрүр илажлар көрилмекте.

 

Алып келинген 23 пуқарадан жарақатланған 18 пуқара Республикалық қыстаўлы медициналық жәрдем илимий орайына орналастырылған, 5 пуқараның аўҳалы жақсы болғанлығы себепли үйлерине жуўап берилген.

 

 

«Ҳәзирги ўақытта орайға орналастырылған пуқаралардың аўҳалы шыпакерлердиң қатаң қадағалаўында болып, тийисли емлеў жумыслары алып барылмақта»,-деп жазылған хабарда.

 

Ислам Матеков,

Қарақалпақстан хабар агентлиги.

Social

Усыныс етемиз

НМПИ делегациясы Қазан федераль университетинде

НМПИ делегациясы Қазан федераль университетинде

Уқсас жаңалықлар

Жаслар конституциялық реформаларда белсендилик көрсетеди

Жаслар конституциялық реформаларда белсендилик көрсетеди

    Бүгин, 27-май күни Әжинияз атындағы Нөкис мәмлекетлик педагогикалық институтында елимизде әмелге асырылып атырған кең көлемли

Министрлик газ ҳәм электр энергиясының төлемлери көбейтилиўи ҳаққындағы хабарларға анықлық киргизди

Министрлик газ ҳәм электр энергиясының төлемлери көбейтилиўи ҳаққындағы хабарларға анықлық киргизди

    Социаллық тармақларда газ ҳәм электр энергиясына төлем баҳаларының көбейтилиўи бойынша хабарлар тарқалды. Өзбекстан Республикасы Қаржы

Дөретиўшилик мектебинде питкериў кешеси болып өтти

Дөретиўшилик мектебинде питкериў кешеси болып өтти

Бүгин, 25-май күни елимиздеги барлық улыўма билим бериў ҳәм қәнигелестирилген мектеплерде питкериўши класс оқыўшыларының «Соңғы қоңыраў»...