Telegram karinform

Фоторепортаж

  • 15.05.2022 21:00
  • 188

Бозатаўда республикалық «Жаслар ҳаўазы» фестивалы болып өтти (фоторепортаж)

Бүгин, 15-май күни республикалық «Жаслар ҳаўазы» фестивалының жуўмақлаўшы басқышы Бозатаў районында болып өтти.

 

Райондағы Жаслар орайы алдында улыўма билим бериў мәкемелери менен бирге, жоқары оқыў орынларының көргизбелери, район жаслары қатнасыўында интеллектуал ойынлар, шеберлик сабақлары ҳәм басқа да мәдений, руўхый-ағартыўшылық илажлары өткерилди.

 

- Әжинияз атындағы Нөкис мәмлекетлик педагогикалық институты тәрепинен райондағы мектеп оқыўшылары ушын интеллектуал жарыс өткерилди. Жарыс жуўмағында жеңимпаз болған командаларды сыйлықлаў менен бирге институт есабынан Нөкис қаласына саяхат етиўин шөлкемлестириў бойынша келисип алдық. Соның менен бирге, ҳәр бир факультет өзлериниң қәнигеликлери бойынша көргизбелер, шеберлик сабақлары, шет тиллери, мәлимлеме технологиялары бойынша семинарлар, психологиялық тренинглер, китапқумарлық илажларын өткердик. Жаслар орайы алдында институттың «Тумарис» халық ансамбли ҳәм талантлы студентлериниң атқарыўында концерт бағдарламасы район халқы ҳәм мийманлары кеўлинде көтериңкилик пайда етти,-дейди институт ректоры Байрамбай Отемуратов.

 

Бердақ бағында республикамыздың ҳәр бир районы ушын қараүйлер тигилип, көркем өнер шеберлериниң атқарыўындағы концерт бағдарламалары, аўыл хожалығы ҳәм қол мийнети өнимлериниң көргизбелери шөлкемлестирилди.

 

Фестиваль шеңберинде миллий тағамлар таңлаўы да өткерилип, төрешилер қурамы ағзалары тәрепинен баҳаланды.

 

Сондай-ақ, усы бағда орнатылған қарақалпақ әдебиятының классик ўәкили Бердақ Ғарғабай улының бюстине гүллер қойылып, ҳүрмет көрсетилди.

 

Республикалық «Жаслар ҳаўазы» фестивалы сыйлықлаў салтанаты ҳәм гала-концерти менен жуўмақланады.

 

Төменде сиз усы фестиваль шеңберинде өткерилген илажлардан журналист Ислам Матеков тәрепинен таярланған фоторепортажды тамашалаўыңыз мүмкин.

 

Ислам Матеков,

Karinform.uz.

Автордың түсирген фотолары.

 

Social

Усыныс етемиз

Президент «тонировка» мәселесине тоқталды

Президент «тонировка» мәселесине тоқталды

Уқсас жаңалықлар

Жоқары оқыў орынларына қабыллаў квоталары тастыйықланды. Бакалавриат бойынша тийкарғы өзгерислер ҳаққында

Жоқары оқыў орынларына қабыллаў квоталары тастыйықланды. Бакалавриат бойынша тийкарғы өзгерислер ҳаққында

    Өзбекстан Республикасы Президентиниң «Мәмлекетлик жоқары билимлендириў мәкемелерине оқыўға қабыллаў процесслерин шөлкемлестириў ҳаққында»ғы қарарына муўапық, «2022-2023-оқыў

Қарақалпақстан Республикасы Халық билимлендириў министри тайынланды

Қарақалпақстан Республикасы Халық билимлендириў министри тайынланды

    Нарымбетов Ахмед Караматдинович Қарақалпақстан Республикасы Халық билимлендириў министри лаўазымына тайынланды. Бул ҳаққында ҚР Министрлер Кеңесиниң

Абитуриентлер дыққатына! Шет тилинен кәсиплик (дөретиўшилик) имтихан форматы ҳәм тест үлгилери жәрияланды

Абитуриентлер дыққатына! Шет тилинен кәсиплик (дөретиўшилик) имтихан форматы ҳәм тест үлгилери жәрияланды

    Хабарыңыз бар, Өзбекстан Республикасы Министрлер Кабинетиниң 2022-жыл 19-январьдағы «Шет тиллерин үйрениўди жетилистириў бойынша қосымша илажлар