Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаменти ҳәм Мәмлекетлик қәўипсизлик хызметиниң Беруний районлық бөлимлери тәрепинен өткерилген оператив илажда «Б.А.» жуўапкершилиги шекленген жәмийетиниң үйретиўши устасы Н.Н. пуқара З.Н.ге ҳәм оның 3 танысына автомобиль басқарыў бойынша оқыў процесслерине улыўма қатнаспастан, имтиханлардан таныслары арқалы өткерип, транспорт басқарыў гүўалығын алып бериў есесине 800 АҚШ доллары ҳәм 16 миллион сумды алған ўақтында айғақлы дәлиллер менен усланған.
Бул ҳаққында департаменттиң баспасөз хызмети хабар берди.
Хабарда жазылыўынша, бул жағдай бойынша Жынаят кодексиниң 168-статьясы (алдаўшылық) ҳәм 28, 211-статьясы (пара бериў) тийкарында жынаят иси ашылып, тергеў ҳәрекетлери алып барылмақта.
Ислам Матеков,
Karinform.uz.
